حقيقة ... قلة أدب
((( فان اصبت ... فمن الله .. وان اخطأت فمن نفسي والشيطان )))
وهذا الموضوع يخص الطرفين ( الشباب والبنات على حد سواء )
قـلـة أدب !!!
إنك تروح للمسجد بملابس رياضة أو ثوب البيت بينما تروح لأصدقائك بثوب وشخصية !!!
قـلـة أدب !!!
إنك تتصل على أصدقائك كل يوم وتعتبره أنت عادي تقعد ترغي معه نصف ساعة
أو أكثر بينما عمك أو خالك أو عمتك أو خالتك لهم شهور ما سمعوا صوتك !!!
قـلـة أدب !!!
تدور بسيارتك بالساعات وما تخلي شارع ما حفظته وكل هالدوران غالبا
بدون أسباب بينما أهلك لو يبون مشوار ساعة ( ما وافقت )
قـلـة أدب !!!
إن الواحد يضبط ساعته على الدوام بينما صلاة الفجر ما يدري عن وقت الآذان !!!
قـلـة أدب !!!
إن الواحد يشتري الأغاني بالشيء الفلاني ويسمعها بينما مستحيل يشـتري
شريط إسلامي بـ 3 ريال ولو يهديه واحد شـريط إسلامي.
قـلـة أدب !!!
إن الواحد يشوف ( قلة الأدب ) ولا يقول عنها ( قلة أدب ) !!!
قـلـة أدب !!!
قلة ادب انك تحصل واحد يحترم الناس كلها
إلا أمه أو أبوه تلقاه يكلمهم بطرف خشمه .
قـلـة أدب !!!
قلة ادب انك تشتري كل اللي نفسك فيه ويوم يجي
طاري الزكاة والصدقه قلت أنا ما عندي فلوس .
قـلـة أدب !!!
قلة ادب انك تكون جالس في المدرج وتسمع الأذان ومن بعدها الإقامة
وأنت مكانك وكأنك مثبت على كرسيك .
قـلـة أدب !!!
لما تشوف واحد في الشارع وتستصغره ولا تسلم عليه وش شايف نفسك .
قـلـة أدب !!!
انك عزيزتي الزوجه تنقين على زوجك كل وقت علشان
يقضي لك حاجه تخصك دون الاهتمام براحته .
قـلـة أدب !!!
إذا شفت صديقك في ورطة ولا تساعده وتمر عليه ولا كأنك تعرفه .
قـلـة أدب !!!
إذا قدم لك صديقك خدمة ولا تقول له حتى كلمة شكراً .
قـلـة أدب !!!
أنك ما تقرأ القرآن إلا من الجمعة للجمعة عشان الكهف .
قـلـة أدب !!!
إن تسهر ساعات على النت ولا نصلي لو ركعتين لله .
قـلـة أدب !!!
انك تحط سيارتك عند باب جارك وتضايقهم .
قـلـة أدب !!!
لما تجلس في حديقة عامة أو البر وتتقهوى أنت وعيالك وتقومون
ونفايتكم وراكم مع ان صندوق النفايات جنبك
قـلـة أدب !!!
انك تشغل شريط غربي ما تفهم شو يقول وترفع الصوت على الآخر .
قـلـة أدب !!!
انك تكون مسئول عن عمل يتوقف أداؤه عليك وتطنش
وتتأخر ويتحمل الباقين مسئولية إهمالك .
قـلـة أدب !!!
انك تطولين لسانك على الشغالة..وهي قد تكون في سن أمك
علشان شغلة ممكن تسويها بنفسك
قـلـة أدب !!!
لما ترفعي صوتك بالسيارة ومع سائق وتضحكين وتقهقهين وكأنه محرم لكِ .
قـلـة أدب !!!
انك تفتشين للدكتور وتعتبرينه عااااااااااااااادي
مع انه بإمكانك انك تكشفين عند دكتورة .
قـلـة أدب !!!
لما تعزمين صديقاتك وتخلين الوالدة تسوي قهوتكم وتجيبها لك
وتسوي عشاكم وأنتي مشغولة بالسواليف بالكلام الفارغ معاهم .
قـلـة أدب !!!
لما ترفضين شريط إسلامي أو كتيب من أحد الدعيات بينما
لو أعطتك شريط لمطرب تحبينه كان ما تدرين وشلون تشكرينها .
قـلـة أدب !!!
إنك إذا ودك تطلعين لعرس أو لصديقاتك لو كل يوم تتزينين وتتعطرين
وإذا جلست عند زوجك تقعدين وريحتك بصل وشكلك اللي كل يوم ما تغيرين فيه شي .
قـلـة أدب !!!
إن الوحدة تقعد على التلفون ساعة وتقعد في صلاتها دقيقتين فقط .
قـلـة أدب !!!
إذا طلعت البنت من البيت وهي كاشخة وريحة عطرها
واصلة آخر الشارع وتقول للشباب لا تلحقوني .
قـلـة أدب !!!
إذا كانت الوحدة مع السائق وتتلفت يمين يسار كنها
مضيعة احد في الشارع ولا تبي احد يلحقها .
قـلـة أدب !!!
إذا انك تكشفين في السيارة ... ولا تبين أحد يضايقك من الطايشين
والمستهترين يقول المثل ... اربطوا عنزكم ما يجيها تيسنا .
قـلـة أدب !!!
إذا إنتي في السوق ورن الجوال وقمتي تتكلمين بصوت عالي بكل وقاحة
وعدم اهتمام باللي حولك .
منقول
